Author: ucaeditor

នៅព្រឹកថ្ងៃទី២ ខែកក្កដា ឆ្នាំ២០២៥នេះ ឯកឧត្តម ឡរ៉ន ម៉ុង (Lawrence Wong) នាយករដ្ឋមន្ត្រី នៃសាធារណរដ្ឋសិង្ហបុរី និងលោកជំទាវ បានអញ្ជើញមកដល់ព្រះរាជាណាចក្រកម្ពុជា ដើម្បីបំពេញទស្សនកិច្ចណែនាំខ្លួន តបតាមការអញ្ជើញរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ក្នុងឱកាសដំណើរបំពេញទស្សនកិច្ចនេះ ឯកឧត្តម ឡរ៉ន ម៉ុង នឹងមានព្រះរាជសាវនាការជាមួយព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅព្រះបរមរាជវាំង ហើយគ្រោងនឹងចូលជួបសម្តែងការគួរសមជាមួយសម្ដេចតេជោ ហ៊ុន សែន ប្រធានព្រឹទ្ធសភាកម្ពុជា។ ឯកឧត្ដមនឹងជួបពិភាក្សាទ្វេភាគីជាមួយសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅវិមានសន្តិភាព។ ដំណើរទស្សនកិច្ចនេះធ្វើឡើងស្របពេលការប្រារព្ធខួបលើកទី៦០នៃទំនាក់ទំនងការទូតកម្ពុជា និងសិង្ហបុរី។

នៅព្រឹកថ្ងៃទី២ ខែកក្កដា ឆ្នាំ២០២៥ នេះ ច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ បានបើកដំណើរការជាធម្មតា សម្រាប់សិស្សានុសិស្ស ចាប់ពីម៉ោង ៦:០០ ព្រឹក។ ចំណែកឯភាគីថៃ បានបើកច្រកចាប់ពីម៉ោង ៨:០០ ព្រឹក ខណៈភាគីកម្ពុជាបើកច្រកសម្រាប់សាធារណជនតាមការកំណត់ម៉ោង ៩:០០ ព្រឹក និងបិទម៉ោង ៤:០០ រសៀល។ ប្រភពពី៖ មន្ទីរព័ត៌មានខេត្តបន្ទាយមានជ័យ

ជំងឺគ្រុនឈាម ការពារទាំងអស់គ្នាពីការកើតជំងឺគ្រុនឈាម តាមវិធានការការពារ

ព្រឹត្តិបត្រព័ត៌មានកម្ពស់ទឹក ម៉ោង ៧ព្រឹក ថ្ងៃទី២ ខែកក្កដា ឆ្នាំ២០២៥ នៅតាមបណ្ដាស្ថានីយជលសាស្ត្រ។ ស្ថានភាពទឹកទន្លេ ៖​  ស្ថានីយជលសាស្ត្រទន្លេមេគង្គ ទន្លេសាប និង​ទន្លេបាសាក់ ទឹកបាននិងកំពុងស្រកនិងឡើងបន្តិចបន្តួច

សូមគោរពជម្រាបជូនអំពីស្ថានភាពធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី២ ខែកក្កដា ឆ្នាំ២០២៥៖ សម្ពាធទាបគ្របដណ្តប់លើសមុទ្រចិនខាងត្បូង សមុទ្រអានដាមម៉ែន ឈូងសមុទ្រថៃ អាងទន្លេមេគង្គ លើរបបខ្យល់មូសុងនិរតី និងព្រះរាជាណាចក្រកម្ពុជា។ ស្ថានភាពបែបនេះនឹងធ្វើឱ្យចាប់ពីថ្ងៃទី២ ដល់ថ្ងៃទី៤ ខែកក្កដា ឆ្នាំ២០២៥៖

សម្ដេចបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា អញ្ជើញជួបជាមួយ ឯកឧត្តម ណាហ្គាស៊ីម៉ា អាគិហិសា (NAGASHIMA Akihisa) ទីប្រឹក្សាពិសេសនាយករដ្ឋមន្ត្រី និងជាសមាជិករដ្ឋសភាជប៉ុន ក្នុងជំនួបសម្តែងការគួរសម និងពិភាក្សាការងារ នៅវិមានសន្តិភាព។ រាជធានីភ្នំពេញ រសៀលថ្ងៃអង្គារ ទី១ កក្កដា ២០២៥  

សម្តេចធិបតី នាយករដ្ឋមន្ត្រី អញ្ជើញចូលរួម “ទិវាមច្ឆជាតិលើកទី២០” នៅបឹងទន្លេបាទី ស្រុកបាទី ខេត្តតាកែវ។ រាជរដ្ឋាភិបាលបានកំណត់យក ថ្ងៃទី១ ខែកក្កដា ជាទិវាមច្ឆជាតិ ក្នុងគោលបំណងផ្សព្វផ្សាយ និងបំផុសស្មារតីឱ្យគ្រប់តួអង្គពាក់ព័ន្ធចូលរួមការពារ និងអភិរក្សធនធានជលផលធម្មជាតិឱ្យស្ថិតស្ថេរគង់វង្ស សម្រាប់កូនចៅជំនាន់ក្រោយ ហើយដើម្បីធានាការគ្រប់គ្រងធនធានជលផល រាជរដ្ឋាភិបាលបានរៀបចំឱ្យមានច្បាប់ស្តីពីជលផល ដែលនឹងក្លាយជាឧបករណ៍គតិយុត្តិថ្មី ស្របនឹងបច្ចុប្បន្នភាពនៃស្ថានភាពសេដ្ឋកិច្ច សង្គម និងនយោបាយនៅកម្ពុជា ក្នុងការពង្រឹងការគ្រប់គ្រង អភិរក្ស និងអភិវឌ្ឍធនធានជលផលឱ្យកាន់តែមានប្រសិទ្ធភាពខ្ពស់ថែមទៀត។ ការកំណត់ឱ្យមានរដូវបិទនេសាទទឹកសាប ចាប់ពីដើមខែមិថុនា ដល់ចុងខែតុលា គឺដើម្បីទុកពេលឱ្យត្រីពងកូន បន្តពូជ និងរីកលូតលាស់ធំធាត់នៅរដូវទឹកដំឡើង ដែលនឹងផ្តល់ជាប្រភពចំណូលប្រចាំថ្ងៃរបស់ប្រជានេសាទ និងជាប្រភពអាហារចម្បងរបស់ប្រជាពលរដ្ឋនៅទូទាំងប្រទេស។ ខេត្តតាកែវ ព្រឹកថ្ងៃអង្គារ ទី១ កក្កដា ២០២៥  

ព្រះរាជក្រឹត្យតែងតាំង «នាយក នាយករង បេកជនទីប្រឹក្សាបច្ចេកទេស អនុពន្ធសភា នៃខុទ្ទកាល័យប្រធានក្រុមប្រឹក្សាធម្មនុញ្ញ» និង «ជំនួយការសមាជិកក្រុមប្រឹក្សាធម្មនុញ្ញ»

ញតិ្តគាំទ្រ របស់យុវជនគណបក្សក្រសួងព័ត៌មាន សូមប្រកាសគាំទ្រយ៉ាងពេញទំហឹងចំពោះសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភា នៃព្រះរាជាណាចក្រកម្ពុជា ដែលបានប្រកាសផ្តួចផ្តើមគំនិតស្នើរាជរដ្ឋាភិបាលសិក្សាអំពីទិដ្ឋភាពច្បាប់ ដើម្បីរៀបចំធ្វើវិសោធនកម្មរដ្ឋធម្មនុញ្ញ ក្នុងគោលបំណដកហូតសញ្ជាតិខ្មែរពីជនទាំងឡាយណា ដែលឃុបឃិតជាមួយបរទេស ធ្វើសកម្មភាពបំផ្លាញផលប្រយោជន៍ជាតិ។

រវាងស្អូច-កញ្ជ្រឹល ខុស និងដូចគ្នាម៉េចខ្លះ? ១. លក្ខណៈខុសគ្នា – កញ្ជ្រឹល • បង្កឲ្យក្ដៅខ្លួនខ្លាំងជាងស្អូចរហូតដល់ ៣៩ ៤០ ឬ ៤១ អង្សាសេ • មិនបង្កឲ្យស្លា/ប់គ្រាន់តែធ្វើទុក្ខអស់កម្លាំង ល្ហិតល្ហៃ ឈឺសន្លាក់ • រោគសញ្ញាខ្លាំងជាងស្អូច • អាចបង្កឲ្យមានសំឡេងស្អក រលាក ឬឈឺបំពង់ក • មានសញ្ញាសៗនៅកៀនថ្ពាល់ក្នុងមាត់ • ឈឺភ្នែក ហៀរទឹកភ្នែក រលាកភ្នែក • ស្នាមកន្ទួលក្រហមៗតូចៗ តែជាប់ៗគ្នា។ – ស្អូច • បង្កឲ្យក្ដៅខ្លួនតិចៗត្រឹម ៣៧ ៣៨ ឬ ៣៨ កន្លះអង្សាសេ • អាចបណ្ដាលឲ្យស្លាប់បានដោយសារមេរោគបង្កទៅជារលាកសួរ រលាក • ខួរក្បាល ឬរាករូស និងរលាកពោះវៀន • មិនសូវចេញកន្ទួលធំៗ • មិនបង្កឲ្យមានសំឡេងស្អក រលាក ឬឈឺបំពង់កនោះទេ • មិនមានសញ្ញាសៗនៅកៀនថ្ពាល់ក្នុងមាត់ • មិនឈឺភ្នែក ហៀរទឹកភ្នែក រលាកភ្នែក • ស្នាមកន្ទួលក្រហមៗតូចៗ ដាច់ពីគ្នា តែញឹក។ ២. លក្ខណៈដូចគ្នា វាជាពពួកវីរុស ឆ្លងតាមផ្លូវដង្ហើម តាមទឹកមាត់ សម្បោរដូចគ្នា មានលេចចេញកន្ទួល រមាស់ ហើយពេលចេញដំបូងពីមុខ ដៃ ជើង និងមានរយៈពេល ២-៥ ថ្ងៃដូចគ្នា។ ប៉ុន្តែប្រសិនបើកើតលើស្ត្រីមានផ្ទៃពោះនៅត្រីមាសទី១ កញ្ជ្រឹលបង្កគ្រោះថ្នាក់តិចជាងស្អូច ពោលគឺទារកក្នុងផ្ទៃ មានគ្រោះថ្នាក់តិច។ ចំពោះម៉ាក់ៗដែលកើតស្អូចត្រីមាសទី១ រងផលប៉ះពាល់ប្រមាណ ៨០% ដែលធ្វើឲ្យប៉ះពាល់ការលូតលាស់ ប៉ះពាល់សរីរាង្គ និងអាចស្លាប់ ច្រើនជាងកញ្ជ្រឹល។ លោកវេជ្ជបណ្ឌិតក៏បានបន្ថែមទៀតថា ទាំងជំងឺស្អូច និងកញ្ជ្រឹលនេះកើតតែម្ដងប៉ុណ្ណោះក្នុងជីវិតមនុស្សម្នាក់ៗ ហើយបើទោះជាចាក់វ៉ាក់សាំងហើយក៏ដោយ ពេលខ្លះក៏នៅតែកើតដែរ គ្រាន់តែមានសភាពស្រាលជាងអ្នកមិនដែលចាក់។